Pangbagéa Wisesapraja Yayasan Sawala Kandaga Kalang Sunda (SKKS)

Assalamu'alaikum Wr. Wb.

Sampurasun...

Alhamdu lillahi nasta’inuhu wa nastaghfiruhu,

Wa na’udzubillaih min syururi anfusina.

May-yahdillahi falā muhdhilla lahu,

wamay-yudhlil falā hadiya lahu.

Wa asyhadu al-lā ilāha ilallahu wahdahula syarikallah

Wa asyhadu anna muhammadan abduhu wa rasuluhu,

arsalahu bil-haqqi basyiron bayna yadayis-sa’ah.

May-yuthi’illaha ta’ala wa rasulahu faqod rosyada,

wa may-ya’şihima fa innahu lā yadhurru illa nafsahu 

wa lā yadhurrullaha ta’ala syai’an.

Sabada manjatkeun puji syukur ka hadirat Allah swt, sim kuring Salaku Wisésapraja (Ketua Umum) Yayasan Sawala Kandaga Kalang Sunda (SKKS), anu ogé janten Pangjejer Sinergi Kobong Kita (Si Koki), ngaraos bagja tur reueus ku parantos ngadegna ieu mandala anu insyaallah bade janten hiji “lembaga pelopor dan terdepan di Kabupaten Cianjur” anu tiasa dipercanten dina ngolah tur molah sumberdaya WAKAF secara produktif, profesional oge amanah.

Teu aya sanés SI KOKI subagé parangkat pagemian ti Yayasan SKKS Amancapada Cianjur, mampuh sareng aktif ngaronjatkeun ekonomi sareng kesejahteraan masyarakat".

Harepan ti sim kuring pamuga jajaran tim SI-KOKI tiasa nyekel amanah anu dipaparinkeun dina molahna dugi ka tiasa ngahontal naon anu diamanahkeun,  tepat guna tepat sasaran oge nu utamina ngéngingkeun karidhoan  Allah SWT. 

Sim kuring ogé miharep sangkan sakumna masyarakat Cianjur khususna, Tatar SUnda jembarna tiasa ngarojong sagala rupi kamotekaran tur ikhtiar SI KOKI dina program sosial tur sarat ku pahala nyaéta ku alatan WAKAF PRODUKTIF.

Margi langkeur seueur rojongan ti masyarakat Kota Cianjur anu ngiring andil dina  program ieu, tinangtios bakal langkung ageung manfaat  anu bakal ditampi ku masyarakat anu meryogikeun, antukna bakal langkung ngaronjat  taraf ekonomi masyarakat di Cianjur.

Parandéné kitu, insyaallah Yayasan SKKS salaku indungna SI KOKI, moal cicingeun, tapi badé ikhtiar sataker-tanaga sangkan SI KOKI tiasa leumpang mandiri pikeun karaharjaan masyarakat dhuafa di Cianjur.

Cag.

Padukuhan Pakujajar, 10 Ramadhan 1438 H / 5 Juni 2017.

Wassalam:

Ki H DR. Dharmasetiawan Natapradja

Wisésapradja Yayasan Sawala Kandaga Kalang Sunda.

Dilihat oleh Ki Dharmasetiawan Natapradja pada 17:10